மின் கட்டணத்தைக் உயர்த்திய தி.மு.க அரசு, முன்னறிவிப்பின்றி புதிய மின் இணைப்புக்கான கட்டணத்தையும் உயர்த்துவதா? - டிடிவி தினகரன் கடும் கண்டனம்
Sep 23 2022 1:29PM
எழுத்தின் அளவு:
அ +
அ -
அ
மின்கட்டணத்தைக் கடுமையாக உயர்த்திய தி.மு.க அரசு, எந்தவித அறிவிப்பும் இன்றி புதிய மின் இணைப்பு பெறுவதற்கான கட்டணத்தையும் இஷ்டம்போல் உயர்த்தியிருப்பதற்கு அமமுக பொதுச்செயலாளர் திரு.டிடிவி தினகரன் கண்டனம் தெரிவித்துள்ளார்.
இதுகுறித்து திரு.டிடிவி தினகரன் வெளியிட்டுள்ள டுவிட்டர் பதிவில், மின்கட்டணத்தைக் கடுமையாக உயர்த்திய தி.மு.க அரசு, எந்தவித அறிவிப்பும் இன்றி புதிய மின் இணைப்பு பெறுவதற்கான கட்டணத்தையும் இஷ்டம்போல் உயர்த்தியிருப்பதாக செய்திகள் வருவதாக தெரிவித்துள்ளார்.
தமிழ்நாட்டு மக்களை எந்த அளவிற்கு துன்புறுத்த முடியுமோ அந்தளவிற்கு அடுத்தடுத்து தி.மு.க அரசு செயல்பட்டு வருவதற்கு இது இன்னொரு சான்று என குறிப்பிட்டுள்ளார்.
மக்களை நேரடியாக பாதிக்கும் இந்த கட்டண உயர்வு கண்டனத்திற்குரியது - இதுதான் ஸ்டாலின் அடிக்கடி கூறும் 'சொல்லாததையும் செய்வதோ? என்றும் திரு.டிடிவி தினகரன் கேள்வி எழுப்பியுள்ளார்.