புதுச்சேரியில் உள்ள அரசுப்பள்ளியில் கணினிகள் திருடப்பட்ட சம்பவம் - 2 பேர் கைது செய்து சிறையிலடைப்பு
Nov 24 2022 5:35PM
எழுத்தின் அளவு:
அ +
அ -
அ
புதுச்சேரியில் உள்ள அரசு பெண்கள் மேல்நிலைப்பள்ளியில் கணினிகளை திருடிய தனியார் தொழிற்பயிற்சி கல்லூரி மாணவன் உட்பட இரண்டு பேரை போலீசார் கைது செய்து சிறையில் அடைத்தனர். புதுச்சேரி புறநகர் பகுதியான திருவண்டார் கோயிலில் இயங்கி வரும் அரசு பெண்கள் மேல்நிலை பள்ளியில் கடந்த இரண்டு நாட்களுக்கு முன்பு துணை முதல்வர் அலுவலகத்தில் இருந்த கணினிகள் திருடு போயுள்ளது. இது தொடர்பாக பள்ளி துணை முதல்வர் சாந்தாதேவி திருபுவனை காவல் நிலையத்தில் அளித்த புகாரின் பேரில், போலீசார் விசாரணை நடத்தி வந்தனர். இந்நிலையில் கல்லூரி மாணவர் உட்பட 2 பேரை போலீசார் கைது செய்து சிறையில் அடைத்தனர். மேலும் கல்லூரி மாணவனை சிறுவர் சீர்திருத்த பள்ளியில் ஒப்படைத்தனர்.