கோவையில் மிக அதிக நேரம் விரிவுரையாற்றுவது, மிருதங்கம் வாசிப்பது, மிக நீளமான ஓவியம் வரைவது என இரண்டு சகோதரர்கள், 3 தனி நபர் உலக சாதனையை நிகழ்த்தியுள்ளனர்.

கோவை தெலுங்குபாளையம் பகுதியை சேர்ந்த ரவிசங்கர், சங்கீதா தம்பதியினரின் மகன் ப்ரணவ் 14 மணி நேரம் தொடர்ந்து சாணக்கியரின் வணிக யுக்தி நூலான, அர்த்த சாஸ்த்திரத்தின் 6 புத்தகங்களை மிக அதிக நேரம் விரிவுரையாற்றியும், 5 மணி நேரம் தொடர்ந்து மிருதங்கம் வாசித்தும் இரு உலக சாதனையை நிகழ்த்தினார். இவரைப்போலவே இவரது சகோதரர் ப்ரதீவ் என்பவர், 5 வண்ணங்களிலான பென்சில் பெட்டிகள் 3 ஆயிரத்திற்கும் மேல் பயன்படுத்தி, 9 மீட்டர் நீளமும், 4 மீட்டர் அகலமும் கொண்ட 36 சதுர மீட்டர் அளவிலான பென்சில் பெட்டிகளை கொண்டு மிகப்பெரிய ஓவியத்தை வரைந்து உலக சாதனை படைத்துள்ளார். இந்த நிகழ்ச்சியை ஏராளமானோர் கண்டு களித்த நிலையில், சாதனைக்கான சான்றிதழ்களும் மாணவர்களுக்கு வழங்கப்பட்டது. இந்த சாதனை குறித்து கூறிய இருசகோதரர்களும், கடந்த 6 மாதங்கள் வரை பயிற்சி மேற்கொண்டதாக தெரிவித்தனர்.