கன்னியாகுமரி அருகே சிலுவை நகர் பகுதியில் மனைவியை 50 அடி ஆழ பள்ளத்தில் தள்ளி தலையில் கல்லை போட்டு கொலை செய்ததாக அவருடைய கணவர் கைது செய்யப்பட்டார்.

சிலுவை நகர் பகுதியைச் சேர்ந்த அருள் சுனிதாவுக்கும், அவரது கணவர் மரியடல்லசுக்கும் திருமணமாகி 17 வருடங்கள் ஆகின்றன. இவர்களுக்கு ஒரு மகனும், ஒரு மகளும் இருக்கிறார்கள். கணவன், மனைவி இருவரும் கன்னியாகுமரியில் வியாபாரம் செய்து வருகின்றனர். இவர்களுக்கு இடையே அடிக்கடி குடும்பத்தகராறு இருந்து வந்ததாக கூறப்படுகிறது. இந்நிலையில், அவர்களுக்குள் தகராறு ஏற்பட்டதால், ஆத்திரமடைந்த மரியடல்லஸ், மனைவியை ஓட ஓட விரட்டி வீட்டின் முன்புறம் இருந்த 50 அடி ஆழ பள்ளத்தில் தள்ளிவிட்டு, தலையில் கல்லை போட்டார். படுகாயமடைந்து, ரத்த வெள்ளத்தில் துடித்த அருள்சுனிதா மருத்துவமனைக்கு கொண்டு செல்லும் வழியில் பரிதாபமாக உயிரிழந்தார். இதுகுறித்து அவரது தாயார் கன்னியாகுமரி காவல்நிலையத்தில் புகார் செய்தார். அதன்பேரில், மரியடல்லஸை போலீசார் கைது செய்து விசாரணை நடத்தி வருகின்றனர்.