திருத்தணி அரசு மருத்துவமனையில் பிரசவம் நடந்த 3-வது நாளில் பெண் உயிரிழப்பு - செவிலியர்களின் கவனக்குறைவே காரணம் என உறவினர்கள் குற்றச்சாட்டு
Dec 7 2019 3:47PM
எழுத்தின் அளவு:
அ +
அ -
அ
திருத்தணி அரசு மருத்துவமனையில் பிரசவம் நடந்த மூன்றாவது நாளில், பெண் திடீரென உயிரிழந்ததால், உறவினர்கள் மருத்துவமனையை முற்றுகையிட்டு போராட்டம் நடத்தினர்.
திருத்தணி அரசு மருத்துவமனையில் சபீனா என்ற 21 வயது பெண் கடந்த புதன்கிழமை அன்று பிரசவத்திற்காக சேர்க்கப்பட்டார். அன்று மாலை அறுவை சிகிச்சை செய்யப்பட்டு சபீனாவுக்கு ஆண் குழந்தை பிறந்தது. தொடர்ந்து நேற்று திடீரென சபினா இறந்துவிட்டதாக மருத்துவமனை தரப்பில் கூறப்பட்டது. செவிலியர்களின் கவனக்குறைவால்தான் சபினா உயிரிழந்ததாகவும், அவர்கள் மீது நடவடிக்கை எடுக்க வேண்டும் என்றும் உயிரிழந்த பெண்ணின் கணவர் காஜா மற்றும் உறவினர்கள் மருத்துவமனை முன்பு போராட்டத்தில் ஈடுபட்டனர். இந்த சம்பவம் தொடர்பாக திருத்தணி போலீசார் வழக்கு பதிவு செய்து விசாரணை மேற்கொண்டு வருகின்றனர்.