பொது பட்ஜெட்டில் தனிநபர் வருமான வரி விதிப்பில் பெரிய மாற்றம் இருக்காது - பொருளாதார நிபுணர்கள் கருத்து
Jan 27 2020 3:30PM
எழுத்தின் அளவு:
அ +
அ -
அ
வரும் ஒன்றாம் தேதி தாக்கல் செய்யப்படவுள்ள பொது பட்ஜெட்டில், பெரிதும் எதிர்பார்க்கப்படும் தனிநபர் வருமான வரிவிதிப்பு, பெரிய அளவில் இருக்காது என பொருளாதார நிபுணர்கள் கருத்து தெரிவித்துள்ளனர்.
இந்தியப் பொருளாதாரம் வீழ்ச்சி அடைந்துள்ளதாலும், ஏற்கெனவே அறிவிக்கப்பட்ட பல்வேறு வரிச் சலுகையினாலும், மத்திய அரசின் வரிவருவாய் வெகுவாகக் குறைந்துள்ளதாகக் கூறப்படுகிறது. முதலீடுகளை ஊக்குவிக்கும் நோக்கில் குறைக்கப்பட்ட கார்ப்பரேட் வரியினாலும் எந்தப்பலனும் ஏற்படாததால், மத்திய அரசு பல வகைகளிலும் நிதிப் பற்றாக்குறைக்கு ஆளாகியுள்ளது. அரசின் வரி வருவாய் இரண்டரை லட்சம் கோடி ரூபாய் முதல் 3 லட்சம் கோடி ரூபாய் வரையில் குறையலாம் என கணிக்கப்பட்டுள்ளது. அதேநேரம், பொது பட்ஜெட்டில், பெரிதும் எதிர்பார்க்கப்படும் தனிநபர் வருமான வரிவிதிப்பில், பெரிய அளவில் மாற்றம் இருக்காது என்றும் நிபுணர்கள் கருத்து தெரிவித்துள்ளனர்.