புதிய நாடாளுமன்றத்தை பிரதமர் திறந்து வைக்க எதிர்ப்பு தெரிவித்து தொடரப்பட்ட வழக்கு தள்ளுபடி : வழக்கை விசாரிக்க மறுத்து மனுவை தள்ளுபடி செய்தது உச்சநீதிமன்றம்
May 26 2023 4:38PM
எழுத்தின் அளவு:
அ +
அ -
அ
புதிய நாடாளுமன்ற கட்டிடத்தை குடியரசுத் தலைவர் திறந்து வைக்க உத்தரவிட கோரி தொடரப்பட்ட வழக்கை உச்ச நீதிமன்றம் தள்ளுபடி செய்து உத்தரவிட்டுள்ளது. இதுதொடர்பாக உச்ச நீதிமன்றத்தில் பொதுநல வழக்கு தொடரப்பட்டது. நீதிபதி மகேஸ்வரி தலைமையிலான அமர்வில் அவசர வழக்காக விசாரணைக்கு எடுத்துக் கொள்ளப்பட்டது. அப்போது, எதன் அடிப்படையில் பொதுநல வழக்கு தொடரப்பட்டது என கேள்வி எழுப்பிய நீதிபதி மகேஸ்வரி அமர்வு, பிரிவு 32ன் கீழ் இவ்விவகாரத்தில் நீதிமன்றம் தலையிட விரும்பவில்லை என கூறியது. வழக்கு தொடர்ந்த மனுதாரரின் வாதம் ஏற்ககூடியதாக இல்லை எனக்கூறி வழக்கை தள்ளுபடி செய்து நீதிபதிகள் உத்தரவிட்டனர்.