கோவாவில் இருந்து மும்பைக்‍கு செல்லும் தேஜாஸ் எக்‍ஸ்பிரஸ் ரயிலில் ரயில்வே நிர்வாகத்தால் வழங்கப்பட்ட உணவை சாப்பிட்ட 26 பயணிகள் வாந்தி மயக்‍கம் ஏற்பட்டு மருத்துவமனையில் அனுமதிக்‍கப்பட்டுள்ளனர்.

கோவாவில் இருந்து மும்பைக்‍கு செல்லும் தேஜாஸ் எக்ஸ்பிரஸ் ரயிலில் பயணம் செய்தவர்களுக்‍கு ரயில்வே நிர்வாகம் மூலம் உணவு வழங்கப்பட்டது. ஆனால் இந்த உணவை உட்கொண்ட 26 பயணிகளும் சிறிது நேரத்திலேயே வாந்தி மயக்‍கம் ஏற்பட்டு கடுமையாக உடல்நலம் பாதிக்‍கப்பட்டனர். விஷத்தன்மை காரணமாக இச்சம்பவம் நேரிட்டது. இதையடுத்து பாதிக்‍கப்பட்ட அனைவரும் மருத்துவமனையில் அனுமதிக்‍கப்பட்டுள்ளனர். இதில் 3 பேர் தீவிர சிகிச்சை பிரிவில் அனுமதிக்‍கப்பட்டுள்ளனர். இதுகுறித்து விசாரணைக்‍கு உத்தரவிடப்பட்டதையடுத்து, பயணிகளுக்‍கு வழங்கப்பட்ட உணவு மாதிரிகள் ஆய்வுக்‍கு எடுத்துக்‍ கொள்ளப்பட்டன. இந்த சம்பவம் தொடர்பாக, இந்தியன் ரயில்வே கேட்டரிங் மற்றும் சுற்றுலா கழகத்தில் பணியாற்றி வரும் இரண்டு அதிகாரிகள் பணியிடை நீக்‍கம் செய்யப்பட்டுள்ளனர்.