காங்கிரஸ் கட்சி தனது பேஸ்புக் கணக்கு மூலம் பிரதமர் மோடியை பதவி நீக்க வேண்டும் என பாகிஸ்தானில் விளம்பரம் செய்துள்ளதாக ஆதாரங்களுடன் பாரதிய ஜனதா கட்சி குற்றச்சாட்டு
Oct 19 2018 11:02AM
எழுத்தின் அளவு:
அ +
அ -
அ
பாரதிய ஜனதா கட்சியின் தகவல் தொழில்நுட்ப பிரிவு தலைவர் அமித் மாளவியா தனது டுவிட்டரில் புகைப்படத்துடன் பதிவேற்றம் செய்துள்ளார். அதில், காங்கிரஸ் கட்சி தனது முகநூல் பக்கத்தில் பிரதமர் மோடிக்கு எதிராக விளம்பரம் ஒன்றை பாகிஸ்தானில் வெளியிட்டுள்ளதாகவும், நாட்டை காப்பாற்ற, மோடியை நீக்கு' என்ற வாசகம் வெளியாகியுள்ளதாகவும் குறிப்பிட்டுள்ளார். இந்தியாவில் ஒரு பிரதான எதிர்க்கட்சியான காங்கிரஸ், பாகிஸ்தானில் இந்தியப் பிரதமருக்கு எதிராக பணம் கொடுத்து விஷமப் பிரச்சாரம் செய்து கொண்டிருப்பது தெளிவாகிறது என்றும், டுவிட்டரில் அமித் மாளவியா தெரிவித்துள்ளார்.