ஆந்திராவில், 767 கிலோ கஞ்சா போதைப்பொருள் கொண்டு செல்லப்பட்ட லாரியை, கலால் அமலாக்‍கத்துறையினர் பறிமுதல் செய்தனர்.

ஆந்திர மாநிலம் விசாகப்பட்டினத்தில், லாரி மூலம் மிகப் பெரிய அளவில் கஞ்சா போதைப்பொருள் கடத்துவதாக கலால் அமலாக்‍கத் துறையினருக்‍கு ரகசிய தகவல் கிடைத்தது. இதனையடுத்து, நரசிப்பட்டினம் என்ற பகுதிக்‍கு விரைந்து சென்ற கலால் அமலாக்‍கக்‍ குழுவினர், வாகன சோதனையில் ஈடுபட்டிருந்தனர். அப்போது வேகமாக வந்து கொண்டிருந்த லாரியை தடுத்து நிறுத்திய அவர்கள், சந்தேகத்தின் பேரில் தீவிர சோதனை மேற்கொண்டனர். லாரியில் எந்த பொருட்களும் ஏற்றி வராத நிலையில், ஓட்டுநரின் சீட்டுக்‍கு பின்புறமாக ரகசிய அறை இருந்ததை கண்டறிந்தனர். அதில் இருந்து போதைப்பொருளை, மூட்டை மூட்டையாக வெளியே எடுத்த கலால் குழுவினர், லாரி ஓட்டுநரை கைது செய்ததுடன், லாரியையும் பறிமுதல் செய்தனர். அவரிடம் மேற்கொண்ட விசாரணையில், 767 கிலோ கஞ்சா போதைப்பொருள் கடத்தி வரப்பட்டது தெரியவந்தது.