உலகளாவிய பொருளாதார மந்தநிலை இருந்தபோதிலும், பிரிக்ஸ் நாடுகள், பொருளாதார வளர்ச்சிக்கு பங்களிப்பு செய்துள்ளதாக, பிரதமர் மோடி, பெருமிதம் தெரிவித்துள்ளார்.

பிரேசில் தலைநகா் பிரேசிலியாவில் 'பிரிக்ஸ்' நாடுகளின் 11-ஆவது மாநாடு நடைபெறுகிறது. இதில் பங்கேற்பதற்காக, பிரதமா் மோடி உள்பட, 'பிரிக்ஸ்' நாடுகளின் தலைவா்கள், பிரேசிலியாவுக்கு வருகை தந்துள்ளனா். இந்த மாநாட்டில் உரையாற்றிய பிரதமா் மோடி, உலகின் பொருளாதார வளர்ச்சியில், பிரிக்ஸ் நாடுகள், 50 சதவீதம் பங்களிப்பு செய்துள்ளதாக குறிப்பிட்டார். கோடிக்கணக்கான மக்களை வறுமையிலிருந்து மீட்டெடுத்துள்ளதாகவும், பெருமிதம் தெரிவித்தார்.

முன்னதாக, ரஷ்ய அதிபா் புதினைச் சந்தித்து, இருதரப்பு உறவுகளை மேலும் வலுப்படுத்துவது குறித்து பிரதமர் மோடி பேச்சுவார்த்தை நடத்தினா். அப்போது, இந்தியா, ரஷியா இடையிலான நல்லுறவு, வளா்ச்சிப் பாதையில் பயணித்து வருவதாக, பிரதமர் மோடியும், ரஷ்ய அதிபா் புதினும் பெருமிதம் தெரிவித்தனா். பின்னர், பிரேசில் அதிபா் ஜெய்ர் பொல்சொனாரோவையும், பிரதமா் மோடி சந்தித்து இருதரப்பு உறவுகள் குறித்து ஆலோசனை நடத்தினார். வா்த்தகம், முதலீடு, வேளாண்மை, உள்ளிட்ட துறைகளில் இருதரப்பு ஒத்துழைப்பை அதிகரிப்பது குறித்து இரு தலைவா்களும் ஆலோசனை நடத்தினா்.