தென்காசி அருகே சாமி சிலையில் கண் திறப்பது போன்ற அதிசய காட்சி : ஊர்மக்கள் ஒன்றுகூடி அம்மனுக்கு சிறப்பு பூஜை செய்து வழிபாடு
May 26 2023 12:54PM
எழுத்தின் அளவு:
அ +
அ -
அ
தென்காசி மாவட்டம் மேலக்கடையநல்லூர் பகுதியில் சாமி கற்சிலையில் கண் திறப்பது போன்ற காட்சி தெரிந்ததால் ஊர் மக்கள் சிறப்பு வழிபாடு நடத்தினர். மேலக்கடையநல்லூர் நெடுஞ்சாலையின் ஓரமாக சந்தன மாரியம்மன் கோயில் ஒன்று உள்ளது. இந்த கோவிலில் ஆண்டுதோறும் ஊர் பொதுமக்கள் திருவிழா நடத்தி வழிபடுவது வழக்கம். அந்த வகையில், நேற்று இரவு கோயில் பூசாரி கோவிலை சாத்திவிட்டு புறப்பட்டு சென்றுள்ளார். அப்போது, சந்தன மாரியம்மன் சிலையில் ஒரு கண் திறப்பது போன்று பூசாரிக்கு தெரிந்துள்ளது. அதை பார்த்து ஆச்சரியம் அடைந்த பூசாரி அந்தக் காட்சியை ஊர் பொதுமக்களை அழைத்து காண்பித்துள்ளார். அதனைத்தொடர்ந்து, ஊர் பொதுமக்கள் ஒன்று கூடி சிறப்பு பூஜைகள் செய்து வழிபட்டனர்.