நியூயார்க்கில் நடைபெறும் அமெரிக்க ஓபன் டென்னிஸ் - அரையிறுதிக்கு முன்னேறினார் ரஷியாவின் மெட்விடேவ்
Sep 8 2021 10:40AM
எழுத்தின் அளவு:
அ +
அ -
அ
அமெரிக்க ஓபன் டென்னிஸ் போட்டியில், ரஷிய வீரர் மெட்விடேவ், அரையிறுதிக்கு முன்னேறினர்.
'கிராண்ட்ஸ்லாம்' பட்டங்களில் ஒன்றான அமெரிக்க ஓபன் டென்னிஸ் போட்டி, தற்போது நியூயார்க் நகரில் நடைபெற்று வருகிறது. இதில் ஆடவர் ஒற்றையர் பிரிவு காலிறுதி ஆட்டம் ஒன்றில், உலக தரவரிசையில் 2-வது இடத்தில் இருக்கும் ரஷிய வீரர் டேனில் மெட்விடேவ், நெதர்லாந்து வீரர் Botic van de Zandschulp-ஐ எதிர்கொண்டார். விறுவிறுப்பாக நடைபெற்ற இந்தப் போட்டியில், இரு வீரர்களும் அனல்பறக்கும் ஆட்டத்தை வெளிப்படுத்தினர். இறுதியில், 6-3, 6-0, 4-6, 7-5 என்ற செட்கணக்கில் வெற்றிபெற்று, மெட்விடேவ் அரையிறுதிக்கு முன்னேறினார்.
இதேபோல், மகளிர் ஒற்றையிர் பிரிவுக்கான காலிறுதி ஆட்டத்தில், தரவரிசையில் 5-ம் இடத்தில் உள்ள உக்ரைன் வீராங்கனை Elina Svitolina, கனடாவின் Leylah Fernandez-ஐ எதிர்கொண்டார். விறுவிறுப்பாக நடைபெற்ற இந்தப் போட்டியில், தொடக்கம் முதலே அதிரடியாக வியையாடிய Fernandez, 6-3, 3-6, 7-6 என்ற செட்கணக்கில் Svitolina-வை தோற்கடித்து, அரையிறுதிக்கு முன்னேற்றினார்.