விம்பிள்டன் டென்னிஸ் தொடரின் ஆண்கள் ஒற்றையர் பிரிவு இரண்டாவது சுற்றில், உலகின் முன்னணி வீரர் நோவக் ஜோகோவிச் வெற்றி பெற்று மூன்றாவது சுற்றுக்கு முன்னேறியுள்ளார்.

கிராண்ட்ஸ்லாம் போட்டிகளில் ஒன்றான விம்பிள்டன் டென்னிஸ் தொடர் இங்கிலாந்து தலைநகர் லண்டனில் தொடங்கி நடைபெற்று வருகிறது. நேற்று நடைபெற்ற ஆண்கள் ஒற்றையர் பிரிவு இரண்டாவது சுற்று ஒன்றில் உலகின் முன்னணி வீரர் நோவக் ஜோகோவிச், ஆஸ்திரேலிய வீரர் Thanasi உடன் பலப்பரீட்சை நடத்தினார். இதில் சிறப்பாக விளையாடிய ஜோகோவிச், 6-1 6-4 6-2 என்ற நேர் செட் கணக்கில் வெற்றி பெற்றார். இதன்மூலம் அவர் மூன்றாவது சுற்றுக்கு முன்னேறினார்.

இதேபோல் பெண்கள் ஒற்றையர் பிரிவின் இரண்டாவது சுற்று ஒன்றில் பிரெஞ்ச் வீராங்கனை Caroline Garcia, பிரிட்டன் வீராங்கனை Emma Raducanu உடன் பலப்பரீட்சை நடத்தினார். சிறப்பாக விளையாடிய Caroline 6-3, 6-3 என்ற நேர் செட் கணக்கில் வெற்றி பெற்று அடுத்த சுற்றுக்கு முன்னேறினார். இதேபோல், கிரீஸ் வீராங்கனைகள் மரியா சக்காரி, கரோலினா பிளிஸ்கோவோ உள்ளிட்டோரும் அடுத்த சுற்றுக்கு முன்னேறினர்.