கோவையில் நடைபெற்ற பார்முலா -4 கார் பந்தயம் : முதல் சுற்றில் ஆர்யா சிங், சந்தீப் குமார் முதலிடம்
Sep 19 2022 1:37PM
எழுத்தின் அளவு:
அ +
அ -
அ
கோவையில் நடைபெற்ற தேசிய பார்முலா Four கார் பந்தயத்தின் முதல் சுற்றில், ஆர்யா சிங் மற்றும் சந்தீப் குமார் முதலிடத்தை பிடித்தனர்.
கோவை, செட்டிபாளையம் பகுதியில் உள்ள கரி மோட்டார்ஸ் ஸ்பீடு வே டிராக்கில் 25வது தேசிய கார் சாம்பியன்ஷிப் போட்டியின் முதல் சுற்று நடைபெற்றது. இதில் பல்வேறு மாநிலங்களை சேர்ந்த வீரர்கள் பங்கேற்றனர். இதில், பார்முலா Four பிரிவு இரண்டாவது பந்தயங்களில் ஆர்யா சிங் முதலிடத்தையும், விஸ்வாஸ் விஜயராஜ் இரண்டாமிடத்தையும் பிடித்தனர். மூன்றாவது பந்தயத்தில், சந்தீப் குமார் முதலிடத்தையும், அஸ்வின் தட்டா இரண்டாமிடத்தையும் பிடித்தனர். நோவிஸ் கப் பிரிவில், மூன்றாவது பந்தயத்தில், ஆதித்யா பரசுராம் முதலிடத்தையும், கைல் குமரன் இரண்டாமிடத்தையும் பிடித்தனர். தொடர்ந்து, 2வது சுற்றுப்போட்டிகளும் கோவையில் நடக்கவுள்ளதாக ஒருங்கிணைப்பாளர்கள் தெரிவித்தனர்.