நவீன் உல் ஹக்கை கலாய்க்க மாம்பழங்களை வைத்து கொண்டாட்டம் : விராட் கோலி டக் அவுட்டானதை நவீன் உல் அக் விமர்சித்ததற்கு பதிலடி
May 25 2023 2:55PM
எழுத்தின் அளவு:
அ +
அ -
அ
மும்பை அணியிடம் எலிமினேட்டர் போட்டியில் தோல்வியடைந்த லக்னோ அணியையும், அந்த அணியின் நவீன் உல் ஹக்கையும் மாம்பழங்கள் மூலமாக எதிரணிகளும், ரசிகர்களும் கிண்டல் செய்து வருகின்றனர். லக்னோ அணிக்கு எதிராக சிறப்பாக ஆடிய வீரர்களை இன்ஸ்டாகிராமில் விராட் கோலி பாராட்ட, இன்னொரு பக்கம் விராட் கோலி டக் அவுட்டானதை நவீன் உல் ஹக் மாம்பழங்களுடன் கொண்டாடினார். இது ரசிகர்களிடையே கோபத்தை உண்டாக்கியதால், நவீன் உல் ஹக் எங்கு சென்றாலும் கோலி பெயரை சொல்லி கோஷம் எழுப்பினர். இந்தநிலையில், லக்னோ அணியை 81 ரன்கள் வித்தியாசத்தில் வீழ்த்தி மும்பை அணி அபார வெற்றிபெற்றது. இந்த வெற்றியை மும்பை அணியின் சந்தீப் வாரியர் மற்றும் விஷ்ணு வினோத் ஆகியோர் நவீன் உல் ஹக்கை கலாய்ப்பது போல் மாம்பழங்கள் வைத்து கொண்டாடியுள்ளனர்.