இந்தியன் வெல்ஸ் ஓபன் டென்னிஸ் ஆடவர் ஒற்றையர் இறுதிப் போட்டியில், ஸ்விட்சர்லாந்து வீரர்களான வாவ்ரிங்கா மற்றும் ரோஜர் பெடரர் ஆகியோர் மோதுகின்றனர்.

அமெரிக்காவின் கலிஃபோர்னியா மாகாணம், இந்தியன் வெல்ஸில் நடைபெற்றுவரும் ஓபன் டென்னிஸ் போட்டிகள், தற்போது இறுதிக்கட்டத்தை எட்டியுள்ளன. ஆடவர் ஒற்றையர் அரையிறுதி ஆட்டம் ஒன்றில், தரவரிசை பட்டியலில் 10வது இடத்தில் உள்ள ஸ்விசர்லாந்து வீரர் ரோஜர் பெடரர் மற்றும் அமெரிக்க வீரர் ஜாக் சாக் ஆகியோர் மோதினர். விறுவிறுப்பான இந்த ஆட்டத்தில் 6-3, 6-2 என்ற செட் கணக்கில் அமெரிக்க வீரரை ரோஜர் பெடரர் தோற்கடித்தார்.

மற்றொரு அரையிறுதிப் போட்டியில், தரவரிசை பட்டியலில் 3வது இடத்தில் உள்ள வாவ்ரிங்கா மற்றும் ஸ்பெயின் வீரர் Carreno Busta ஆகியோர் மோதினர். இந்த போட்டியில் 6-3, 5-2 என்ற செட் கணக்கில் ஸ்பெயின் வீரரை தோற்கடித்த வாவ்ரிங்கா, இறுதிப் போட்டிக்கு முன்னேறினார்.

இதனிடையே, பரபரப்பான இறுதிப் போட்டியில் சுவிட்சர்லாந்தை சேர்ந்த வாவ்ரிங்கா மற்றும் ரோஜர் பெடரர் மோத உள்ளனர். இதேபோல், மகளிர் ஒற்றையர் இறுதிப் போட்டியில், பிரான்ஸ் வீராங்கனை வெஸ்னினா, சகநாட்டு வீராங்கனை குஸ்நெட்சோவாவுடன் பலப்பரீட்சை நடத்துகிறார்.