Fed கோப்பை டென்னிஸ் போட்டி -செக்குடியரசு அணியை வென்று அமெரிக்கா இறுதிச் சுற்றுக்கு முன்னேற்றம்
Apr 24 2017 2:19PM
எழுத்தின் அளவு:
அ +
அ -
அ
Fed கோப்பை டென்னிஸ் அரையிறுதியில், செக்குடிரசு அணியை, 3-2 என்ற கணக்கில் வென்று அமெரிக்கா இறுதிச் சுற்றுக்கு முன்னேறியுள்ளது.
அமெரிக்காவின் ஃபுளோரிடா மாகாணத்தில் நடைபெற்ற Fed கோப்பை டென்னிஸ் தொடரின் அரையிறுதிச் சுற்றில், அந்நாட்டு அணி - செக்குடியரசு அணியை எதிர்கொண்டது. இதன் முதல் நாளில் நடைபெற்ற ஒற்றையர் சுற்று ஆட்டங்களின் முடிவில், 1-1 என்ற கணக்கில் இரு அணிகளும் சமநிலை பெற்றன. இந்நிலையில், நேற்று மாற்று ஒற்றையர் மற்றும் இரட்டையர் பிரிவு ஆட்டங்கள் நடைபெற்றன. மாற்று ஒற்றையர் பிரிவு முதல் ஆட்டத்தில், தரவரிசையில் 24-வது இடத்தில் உள்ள அமெரிக்காவின் CoCo Vandeweghe, செக்குடியரசின் Katerina Siniakova-வை எதிர்கொண்டார். இப்போட்டியில் ஆரம்பம் முதலே தனது அபார சர்வீஸ்கள் மூலம் செக். வீராங்கனையை திணறடித்த Vandeweghe, 6-4, 6-0 என்ற செட்கணக்கில் வெற்றி பெற்றார்.
மற்றொரு ஆட்டத்தில், செக்குடியரசின் Marketa Vondrousova, அமெரிக்காவின் Lauren Davis-ஐ 6-2, 7-5 என்ற நேர் செட்கணக்கில் தோற்கடித்தார். இதனால், இரு அணிகளும் 2-2 என்ற கணக்கில் சமநிலை பெற்றன.
இதனால் வெற்றியை தீர்மானிக்கும் இரட்டையர் பிரிவு ஆட்டத்தில், இரு அணிகளும் கடுமையாக மோதின. மிகவும் விறுவிறுப்பாக நடைபெற்ற இப்போட்டியில், அமெரிக்க இணை, செக்குடியரசு இணையை 6-2, 6-3 என்ற செட்கணக்கில் தோற்கடித்து அதிர்ச்சியளித்தது. இதன்மூலம், 3-2 என்ற கணக்கில் அமெரிக்கா வெற்றி பெற்று இறுதிச் சுற்றுக்கு முன்னேறியது.