நியூசிலாந்தில் சுற்றுப் பயணம் செய்யும் இந்திய கிரிக்கெட் அணி - 16 பேர் கொண்ட அணியை, மும்பையில் தேர்வுக்குழு இன்று அறிவிக்கிறது
Jan 12 2020 3:26PM
எழுத்தின் அளவு:
அ +
அ -
அ
நியூசிலாந்து தொடரில் விளையாடவுள்ள இந்திய கிரிக்கெட் அணி வீரர்களின் பெயர் பட்டியல் இன்று வெளியாகிறது.
இந்திய கிரிக்கெட் அணி வருகிற 24-ம் தேதி முதல் நியூசிலாந்தில் சுற்றுப்பயணம் மேற்கொண்டு ஐந்து 20 ஓவர் போட்டி, மூன்று ஒரு நாள் போட்டி மற்றும் இரண்டு டெஸ்டுகளில் விளையாடுகிறது. இந்த தொடருக்கான இந்திய அணி இன்று அறிவிக்கப்படுகிறது. வழக்கமான 15 வீரர்கள் பட்டியலுக்கு பதிலாக 16 அல்லது 17 வீரர்கள் தேர்வு செய்யப்படுவார்கள் என்று தெரிகிறது. முதுகில் ஏற்பட்ட காயத்துக்கு ஆபரேஷன் செய்து கடந்த 4 மாதங்களாக எந்த சர்வதேச போட்டியிலும் ஆடாத ஆல்-ரவுண்டர் ஹர்திக் பாண்ட்யா நியூசிலாந்து தொடரின் மூலம் மீண்டும் இந்திய அணிக்கு திரும்புவார் என எதிர்பார்க்கப்படுகிறது. வேகப்பந்து வீச்சாளர்கள் ஜஸ்பிரித் பும்ரா, உமேஷ் யாதவ், முகமது ஷமி, இஷாந்த் ஷர்மா உள்ளிட்டோர் அணியில் இடம் பெறுவார்கள் என்று எதிர்பார்க்கப்படுகிறது.