லத்தீன் அமெரிக்க நாடுகளில் மட்டும் 33 லட்சம் பேருக்கும் அதிகமானோர் கொரோனா வைரஸ் நோயால் பாதிக்கப்பட்டுள்ளனர்.

இதில், தற்போது வரை 18 லட்சத்துக்கும் அதிகமானோருக்கு கொரோனா வைரஸ் பாதிப்பு ஏற்பட்டு, பிரேசில் மிக மோசமான நிலையில் உள்ளது. பெரு, சிலி போன்ற நாடுகளில் 3 லட்சத்துக்கும் அதிகமானோர் வைரஸ் பிடியில் சிக்கியுள்ளனர். சிலியில் கடந்த சில வாரங்களாக வசந்த காலம் நீடிப்பதால், கொரோனா வைரஸ் பரவுவதற்கு ஏதுவான நிலை காணப்படுகிறது. இதற்கிடையே, அரசுகளின் மெத்தனப் போக்கு, தவறான மருத்துவக் கொள்கைகள் போன்ற பல்வேறு காரணங்களும் நோய் பாதித்தவர்கள் அதிகரிப்பதற்குக் காரணமாக உள்ளன. பொலிவியாவில், மூச்சுத் திணறல், கடும் காய்ச்சல் ஏற்பட்டு உயிரிழந்தவர்கள் கொரோனா வைரசால் உயிரிழந்ததாக உறவினர்கள் புகார் தெரிவித்தும் அந்நாட்டு அரசு போதிய பாதுகாப்பு நடவடிக்கைகளை மேற்கொள்ளவில்லை என்ற புகாரும் வலுப்பெற்றுள்ளது. அர்ஜென்டினா, வெனிசூலா நாடுகளிலும் அரசுக்கு எதிராக பொதுமக்கள் பல்வேறு குற்றச்சாட்டுக்களை முன்வைத்துள்ளனர்.