லெபனானில் அமோனியம் நைட்ரேட் வெடித்துச் சிதறிய விபத்து : 43 மீட்டர் ஆழத்துக்கு பள்ளம் ஏற்பட்டிருப்பதாக தகவல்
Aug 10 2020 3:48PM
எழுத்தின் அளவு:
அ +
அ -
அ
லெபனான் நாட்டில் அமோனியா நைட்ரேட் வெடிப்பு ஏற்பட்ட பகுதியில் 43 மீட்டர் ஆழத்துக்கு பள்ளம் ஏற்பட்டுள்ளது.
லெபனான் நாட்டின் பெய்ரூட் துறைமுக கிடங்கில் வைக்கப்பட்டிருந்த அமோனியம் நைட்ரேட் எதிர்பாராதவிதமாக வெடித்துச் சிதறியது. கடந்த வாரம் நேரிட்ட இந்த விபத்தில் 150க்கும் மேற்பட்டோர் உயிரிழந்தனர், காயமடைந்த ஆறாயிரம் பேருக்கு சிகிச்சை அளிக்கப்பட்டுவருகிறது. இந்த வெடிப்பின் காரணமாக பெய்ரூட் நகரில் உள்ள பாதிக்கும் மேற்பட்ட கட்டடங்களுக்கு பாதிப்பு ஏற்பட்டுள்ளது. இந்நிலையில், அமோனியம் நைட்ரேட் வைக்கப்பட்டிருந்த இடத்தில் 43 மீட்டர் ஆழத்துக்கு பள்ளம் ஏற்பட்டுள்ளது என உள்ளூர் ஊடகங்கள் தெரிவித்துள்ளன. இடிபாடுகளை அகற்றும் பணிகள் தொடர்ந்து மேற்கொள்ளப்பட்டுவரும் நிலையில், அமெரிக்கா உள்ளிட்ட நாடுகள் லெபனான் நாட்டிற்கு மனிதநேய உதவிகளை அளித்துவருகின்றன.