இலங்கை நிதியமைச்சராக பொறுப்பேற்றார் பிரதமர் ரணில் விக்ரமசிங்க : அதிபர் கோத்தபய ராஜபக்ச முன்னிலையில் பதவிப்பிரமாணம்
May 25 2022 3:10PM
எழுத்தின் அளவு:
அ +
அ -
அ
இலங்கை பிரதமர் ரணில் விக்ரமசிங்க, அந்நாட்டின் நிதியமைச்சராக பொறுப்பேற்றுக்கொண்டார்.
இலங்கையில் நிலவும் கடுமையான பொருளாதார நெருக்கடியை அடுத்து, மக்களின் தொடர் போராட்டத்தால், கடந்த 9-ம் தேதி பிரதமர் பதவியை மகிந்த ராஜபக்ச ராஜினாமா செய்தார். இதையடுத்து, புதிய பிரதமராக ரணில் விக்ரமசிங்க கடந்த 12-ம் தேதி பதவியேற்றார். அதன்பின், பல்வேறு துறைகளுக்கான அமைச்சர்களை அதிபர் கோத்தபய ராஜபக்ச நியமனம் செய்து வருகிறார். இருப்பினும் நிதி அமைச்சர் பதவி யாருக்கும் வழங்கப்படவில்லை. இந்நிலையில், பிரதமர் ரணில் விக்ரமசிங்க, கூடுதல் பொறுப்பாக இலங்கை நிதியமைச்சராக இன்று பொறுப்பேற்றுக் கொண்டார். அதிபர் கோத்தபய ராஜபக்ச முன்னிலையில் அவர் பதவிப்பிரமாணம் எடுத்துக்கொண்டார்.