மறைந்த இங்கிலாந்து ராணி இரண்டாம் எலிசபெத் இறுதிச்சடங்கு நிகழ்ச்சி, லண்டனில் இன்று நடைபெறுகிறது. உலகத் தலைவர்கள் பலரும் கலந்து கொள்வதால், லண்டன் மாநகரில் வரலாறு காணாத பாதுகாப்பு ஏற்பாடுகள் செய்யப்பட்டுள்ளன.

பிரிட்டிஷ் மகாராணி எலிசபெத், தனது 96-வது வயதில், கடந்த 8-ம் தேதி காலமானார். அவரது உடல், வரலாற்றுச் சிறப்புமிக்க, லண்டன் Westminster மண்டபத்தில், பொதுமக்கள் அஞ்சலிக்காக வைக்கப்பட்டுள்ளது. எலிசபெத்தின் உடலுக்‍கு அஞ்சலி செலுத்துவதற்காக இந்திய குடியரசுத் தலைவர் திருமதி திரௌபதி முர்மு லண்டன் சென்றுள்ளார். அவர் எலிசபெத்து உடலுக்‍கு இந்திய நாட்டின் சார்பில் அஞ்சலி​ செலுத்தினார். ராணி எலிசபெத்தின் இறுதி நிகழ்வு, இன்று Westminster தேவாலயத்தில் நடைபெறுகிறது. இதற்கான, பாதுகாப்பு ஏற்பாடுகள் முழுவீச்சில் நடைபெற்று வருகின்றன. இந்த இறுதி நிகழ்வில், இந்திய குடியரசுத் தலைவர் திருமதி திரவுபதி முர்மு, அமெரிக்க அதிபர் ஜோ பைடன், ஃபிரான்ஸ் அதிபர் இமானுவேல் மெக்ரான், நியூஸிலாந்து பிரதமர் ஜெசிந்தா ஆர்டன் உள்ளிட்ட உலகத் தலைவர்கள் பலரும் கலந்து கொள்கிறார்கள்.