அமெரிக்காவின் முன்னாள் அதிபர் ஒபாமா, பதவி விலகிய 3 மாதங்களுக்குப் பிறகு, சிகாகோ பல்கலைக்கழகத்தில் நடைபெற்ற விழாவில் கலந்து கொண்டார்.

அமெரிக்க அதிபராக, ஒபாமா கடந்த 8 ஆண்டுகளாக பதவி வகித்தார். தற்போது பதவி விலகிய அவர், தனது சொந்த ஊரான சிகாகோவில் தங்கியுள்ளார். புதிய அதிபராக டொனால்டு டிரம்ப் பதவி ஏற்ற பின்னர், கடந்த ஜனவரி 20-ம் தேதி பதவி விலகிய அவர், வெள்ளை மாளிகையில் இருந்து வெளியேறினார்.

இந்நிலையில், பதவி விலகிய 3 மாதங்களுக்குப் பிறகு சிகாகோ பல்கலைக்கழகத்தில் நடந்தவிழாவில் அவர் கலந்து கொண்டு, உயர்நிலைப் பள்ளி மற்றும் கல்லூரி மாணவர்கள் மத்தியில் பேசினார்.

நம்பிக்கை தளராது எதிர்காலத்தை மாணவர்கள் எதிர்கொள்ள வேண்டிய சூழ்நிலை குறித்தும், பிரச்சினைகளுக்கு தீர்வு காண்பது குறித்தும் ஒபாமா பேசினார். மேலும் அமெரிக்காவுக்கு அடுத்த தலைமுறைக்கான புதிய தலைவர்களை உருவாக்க இளைஞர்களுக்கு பயிற்சி அளிக்க தாம் தயாராக இருப்பதாகவும் அவர் கூறினார்.