தேனீக்களை அதிக நேரம் முகத்தில் மொய்க்கவிட்டு கனடாவை சேர்ந்த ஜூவான் கார்லோஸ் நோகுஸ் புதிய உலக சாதனை
Sep 2 2017 12:29PM
எழுத்தின் அளவு:
அ +
அ -
அ
தேனீக்களை முகத்தில் தாடியாக அதிக நேரம் வைத்திருக்கும் உலக சாதனையை கனடாவை சேர்ந்த ஜூவான் கார்லோஸ் நோகுஸ் என்பவர் மேற்கொண்டார். ஒன்டாரியோ மாகாணத்தில் தேனீ பண்ணை ஒன்றில் பணிபுரியும் அவர், இதற்காக தன் முகத்தில் சரியாக 61 நிமிடங்கள் தேனீக்களை மொய்க்க விட்டார். இந்த சாதனைக்காக, மென்மையானவை என்று விவரிக்கப்படும் ஒரு லட்சம் தேனீக்களை, ஜூவான் பணிபுரியும் தேனீ பண்ணை வழங்கியிருந்தது. உலக சாதனை முயற்சியின்போது, தேனீக்கள் இரண்டு முறை கொட்டியபோதும் அமைதியாக இருந்த ஜூவான், 61 நிமிடங்கள் அசையாமல் அமர்ந்திருந்தார். ஜூவான், தனது முந்தைய உலக சாதனையைவிட 8 நிமிடங்கள் கூடுதலாக அமர்ந்து புதிய உலக சாதனை படைத்துள்ளார் என்பது குறிப்பிடத்தக்கது.