சர்வதேச விண்வெளி மையத்திற்கு மனித உருவ ரோபோவை அனுப்பிய ரஷ்யா - மின் இணைப்புகளை சரிசெய்தல் உள்ளிட்ட பணிகளை விரைவில் செய்யும்
Aug 23 2019 11:10AM
எழுத்தின் அளவு:
அ +
அ -
அ
ரஷ்யாவின் விண்வெளி நிறுவனமான, 'ரோஸ்காஸ்மோஸ்' விண்வெளி ஆராய்ச்சிக்காக, முதன்முதலாக, மனித வடிவிலான, 'ரோபோ'வை, சர்வதேச விண்வெளி மையத்திற்கு அனுப்பி உள்ளது.
கஜகஸ்தான் நாட்டின், பாய்கோர் மாகாணத்தில் உள்ள, ரஷ்யாவின் ராக்கெட் ஏவுதளத்தில் இருந்து, சோயுஸ் எம் எஸ்-14 என்ற ஆளில்லா விண்கலம் அனுப்பப்பட்டது. இதில், 'ஃபெடோர்' என்ற மனித உருவ ரோபோவும் அனுப்பப்பட்டது.
இந்த ரோபோ, சர்வதேச விண்வெளி மையத்தில் உள்ள விண்வெளி வீரர்களுக்கு, அவசர காலங்களில் உதவி செய்வதற்காக, 10 நாட்கள் பயிற்சி மேற்கொள்ள இருக்கிறது. 1.8 மீட்டர் உயரமும், 160 கிலோ எடையும் கொண்ட இந்த ரோபோ, ஸ்கைபோட் எஃப் 850 என்ற அடையாள எண்ணுடன் அனுப்பப்பட்டு உள்ளது.
இது, மின் இணைப்புகளை சரி செய்தல், தீயணைப்பான்களை பயன்படுத்துதல் போன்ற பணிகளை, விரைவாகச் செய்யும். சர்வதேச விண்வெளி மையத்திற்கு, ஏற்கனவே, அமெரிக்கா மற்றும் ஜப்பான், மனித வடிவிலான ரோபோவை அனுப்பி உள்ளது குறிப்பிடத்தக்கது.