மீண்டும் ஹாலிவுட்டில் நடிக்க உள்ளார் நடிகர் தனுஷ் : கேப்டன் மில்லர் ப்ரோமோஷனின் போது இயக்குநர் அருண் மாதேஸ்வரன் தகவல்
Jan 11 2024 4:06PM
எழுத்தின் அளவு:
அ +
அ -
அ
நடிகர் தனுஷ் மீண்டும் ஹாலிவுட் திரைப்படத்தில் நடிக்க உள்ளதாக இயக்குநர் அருண் மாதேஸ்வரன் தெரிவித்துள்ளார். இயக்குநர் அருண் மாதேஸ்வரன் இயக்கத்தில் நடிகர் தனுஷ் நடிப்பில் கேப்டன் மில்லர் திரைப்படம் உருவாகியுள்ளது. இப்படத்தில், பிரியங்கா மோகன், நிவேதிதா, ஜான் கொக்கன், கன்னட சூப்பர் ஸ்டார் சிவராஜ்குமார் உள்ளிட்ட பலர் நடித்துள்ளனர். மிகுந்த எதிர்பார்ப்புக்கு மத்தியில் இப்படம் நாளை வெளியாக உள்ள நிலையில், படத்திற்கான ப்ரோமோஷன் வேலைகளில் இயக்குநர் அருண் மாதேஸ்வரன் ஈடுபட்டுள்ளார். அப்போது, பேட்டி ஒன்றில் நடிகர் தனுஷ் மீண்டும் ஹாலிவுட்டில் நடிக்க உள்ளதாக தெரிவித்தார். கிரே மேன் திரைப்படத்திற்கு பின் மீண்டும் ஹாலிவுட்டில் நடிக்க உள்ள தகவலால் ரசிகர்கள் பெரும் மகிழ்ச்சியில் உள்ளனர்.